O que fora premio Goya como actor revelación, cunha exitosa carreira cinematrográfica e televisiva, de pai e avós paternos arzuáns, dará o discurso de apertura do evento, o sábado 4 de marzo ás 11 h no campo da feira de Arzúa.

Tamar, nacido en Santiago o 3 de outubro de 1986, debutou como actor con tan só 11 anos en “A Lingua das bolboretas”, e con 18 gañou o Goya Revelación por “Mar adentro”. Ademais de Jose Luis Cuerda e Alejandro Amenábar, traballou entre outros directores e directoras, ás ordes de Pedro Almodóvar, Isabel Coixet, Milos Forman, Daniel Calparsoro ou Gerardo Herrero.

Ten feito numerosos traballos en televisión, como “A vida por diante”, “Fariña”, “Altamar”, “El desorden que dejas”, Veneno… E en teatro, con varias producións do Centro Dramático Nacional.

Recentemente estreou “O Corpo Aberto”, e ten pendente de estrea a serie “Los pacientes del doctor García” e as películas “Un pasado por delante”, “Nowhere” ou “Justicia Artificial”.

O actor santiagués, afincado en Madrid, está moi vinculado a Arzúa, pola aldea de seu pai e dos seus avós paternos, Figueiroa. Tamar leva con orgullo as súas raíces e mantén os vínculos con estes lugares, volvendo tanto en festas como o resto do ano para visitar á súa familia e desfrutar da súa terra.

Podes saber máis del en

https://es.wikipedia.org/wiki/Tamar_NovasAs súas redes

https://www.instagram.com/tamarnovas/?hl=es

https://twitter.com/tamarnovas?lang=es