Obradoiros e actividades

Home/Programación/Obradoiros e actividades
Obradoiros e actividades 2020-02-26T22:34:46+00:00

OBRADOIROS E ACTIVIDADES #QUEIXO2020

COMO APUNTARSE ÁS ACTIVIDADES

A maior parte das actividades e obradoiros da festa son de balde, podes apuntarte chamando ao 981 500 222 (Ofic. Concellaría de Cultura, 08.30 a 15 h) ou se o desexas, achegarte persoalmente.  Nas actividades no recinto feiral, de quedaren prazas libres é posible anotarse o mesmo día ata media hora antes.

Oficina da Concellaría de Cultura Dpto. de Cultura -edificio sociocultural María Mariño-Rúa Pai Pardo, 33 1º andar (a carón de Radio Arzúa e a Biblioteca Municipal) – 15810 Arzúa.

Tamén nas da EFA Piñeiral. Inscrición no 981500580 ou pineiral@pineiral.es (mira as datas e prazas límite de cada obradoiro)

E podes informarte de todo en info@festadoqueixo.org

PROGRAMACIÓN COMPLETA #QUEIXO2020

MÉRCORES 19 FEBREIRO

12-14 h TERTULIA TÉCNICA E CATA a cargo de Óscar Pérez Ramil, Secretario-Xerente do Consello Regulador DOP Arzúa-Ulloa, abordando as achegas nutricionais do Queixo. EFA Piñeiral. Alumnado e profesionais.

EFA Piñeiral. Inscrición no 981500580 ou pineiral@pineiral.es ata o 18 de febreiro.

Entrada libre. Prazas limitadas 

VENRES 21 FEBREIRO

14-15 h E-QUEIXO: TERTULIA TÉCNICA

Tendencias de Packaging na industria alimentaria

A cargo de Elena Lucio da Axencia Proimaxe.

EFA Piñeiral. Inscrición no 981500580 ou pineiral@pineiral.es ata o 20 de febreiro. Entrada libre

XOVES 27 FEBREIRO

18 – 20 h MASTERCLASS

Unha cociña persoal e de produto co Arzúa Ulloa desde a Horta do Obradoiro

Propostas persoais e de produto a cargo de Kike Piñeiro e Eloy Cancela.

EFA Piñeiral. 15 €. Inscrición no 981500580 ou pineiral@pineiral.es ata o 26 de febreiro. 25 prazas

ADEMAIS: CATAS COMENTADAS DE QUEIXO DA DOP ARZÚA-ULLOA

Nos centros de ensino de Arzúa. Impartidas polo Consello Regulador DOP Arzúa-Ulloa

Venres 28

18 – 23 h. 14º Concurso de TAPAS E PETISCOS ‘Festa do Queixo’

Nos establecementos de hostalaría de Arzúa. Organizado polo do CRDOP Arzúa-Ulloa

Sábado 29

11 h. APERTURA DE PORTAS RECINTO FEIRAL ‘TERRA DO QUEIXO’

QUEIXEAMOS? Retrátate muxindo cun sorriso no FOTOCOL!

Todo o día. Recinto feiral

FOOD TRUCKS

Todo o día. Campo da feira

11 – 12 h Obradoiro infantil de queixo

Despois de muxir, lavar as mans e por bata e gorro, @s participantes elaboran un queixo fresco e ao rematar 5 queixos máis cos que farán un piano de queixo que tocar despois. Cada nen@ levará para a casa o seu queixo nunha bolsa de tea.

Recinto feiral. 1º andar. 20 prazas. Inscrición no 981500222 ata o 28 de febreiro e, se quedan prazas libres, no stand do Concello durante a festa ata media hora antes.

11 – 13 h Animación de rúa co Grupo de gaitas CASTRO CURBÍN

Recinto feiral, rúas e praza de Galiza

11 – 13 h EXPOSICIÓN CONCURSO DE CARTEIS 45ª EDICIÓN

Capela da Madanela. De 11 a 13 h e de 16 a 18 h (domingo 1, de 11 a 13 h)

12 h INAUGURACIÓN OFICIAL e PREGÓN Campo da feira

Entrega de Premios Concurso de Carteis, 14º Concurso de Tapas e Petiscos ‘Festa do Queixo’ e Arzuán do Ano 2019.

PREGOEIRA: BENEDICTA SÁNCHEZ, PREMIO GOYA 2020 A ACTRIZ REVELACIÓN

É a actriz de maior idade en conseguir o galardón cinematográfico nesta categoría. É fotógrafa e actriz, e ten 84 anos. Naceu na parroquia de San Fiz, en O Corgo (Lugo). Con 17 años, foi a primeira galega declarada vexetariana. Emigrada ao Brasil traballou 15 anos como fotógrafa, nunha casa, nun bar e nunha librería… Debutou cun papel protagonista no filme “O que arde”, de Óliver Laxe, interpretación pola que aos seus 84 anos foi premiada co Goya 2020 á mellor actriz revelación.

 

Entre os actos, actuación DÚO NOITE NA AUGA -violíns-

 

12:45 h Inauguración Paso de Vaca de Arzúa

Fronte ao recinto feiral

17 – 18 h. Obradoiro infantil de queixo

Recinto feiral. 1º andar. 20 prazas. Inscrición no 981500222 ata o 28 de febreiro e, se quedan prazas libres, no stand do Concello de Arzúa durante a festa ata media hora antes.

18 h 4º FESTIVAL ‘PEQUEQUEIXO’ Praza de Galiza (en caso de choiva capela da Madanela)

«Concerto Punk Infantil» con Peter Punk e Brais das Hortas

Espectáculo musical e de clown para todos os públicos, no que está presente o concepto punk máis alá dos aspectos máis superficiais. Vencellado directamente co mundo infantil e as inquedanzas das cativas e dos cativos.

Peter Punk é un dos pallasos máis programados e destacados en Galicia. Conta con máis de 1.000 funcións ás súas costas en diversos países, programacións e espazos.
Brais das Hortas. Narrador, músico e creador de instrumentos de refugallo. Mestura diversos xéneros como os contos, a música ou os títeres, cunha posta en escena divertida, participativa e retranqueira.

18 – 20 h. Animación de rúa coa CHARANGA SANTA COMPAÑA 

Recinto feiral, rúas e praza de Galiza

20.30 h PECHE RECINTO FEIRAL

 

21.30 h FESTIVAL DO QUEIXO Campo da feira

EL CAPITÁN ELEFANTE– GAÑADOR CONCURSO QUEIXO MAQUETÓN – | 21.30 h

A banda bilbaína El Capitán Elefante transmite un rock directo e melódico con letras e estribillos pegadizos, acompañados de letras sobre historias cotiás. O seu cuarto traballo, “Electroconfort”, afianza o seu particular son, ideal para os amantes do power-pop/indie-rock nacional. Neste 2020 non paran de pechar novas datas, o que non fai máis que confirmar a traxectoria ascendente dunha banda cunha forte personalidade e un directo irresistible.

TEQUILA | 22.30 h

Grupo de referencia da Movida, #AdiosTequilaTour será unha ocasión histórica e unha oportunidade única de velos e desfrutar do seu incrible directo en Arzúa, e de balde, antes da súa despedida final no Wizink Center en Madrid o 20 de marzo. As súas cancións creceron co paso do tempo converténdose en parte da banda sonora do Rock&Roll nacional. Ariel Rot e Alejo Stivel lévannos ao son orixinal dos seus temas, a calidade que como músicos gañaron co paso do tempo.

NOVEDADES CARMINHA | 00.30 h

   O grupo santiagués de punk e garage rock fundado en Madrid no 2007 estréase no festival.A súa música bebe dos grupos punk e garage rock xurdidos no Reino Unido e Estados Unidos a finais dos oitenta e moitas bandas españolas. O seu estilo contén desde melodías atractivas con sentido do humor, ata a simpleza de catro riffs de guitarra e estribillos mordaces. Os seus directos conseguen que o público sexa parte activa do espectáculo.

LADILLA RUSA| 02 h

O grupo catalán de electropop Ladilla Rusa,  porá a fin de festa do sábado.Naceu en 2017 como unha broma de dous amigos de toda a vida, os xornalistas Tania Lozano Víctor F. Clares. Desde entón, e sempre co humor e a festa como bandeira, o grupo popularizou cancións como “Bebo (de bar en peor)”, “Criando Malvas”, “Princesas” ou a que é xa case un himno de verbena, «Macaulay Culkin». Os seu directo transmite diversión en cada nota, con temas moi bailables.

 

Domingo 1

10 h APERTURA RECINTO FEIRAL ‘TERRA DO QUEIXO’

QUEIXEAMOS? Retrátate muxindo cun sorriso no fotocol!

Recinto feiral. Todo o día. Único requisito: o teu mellor sorriso! J

10.15 – 14 h 2º Torneo Chessand Cheese Arzúa

Torneo para nenos e nenas ata sub14 e un torneo aberto de rápidas válido para Elo FIDE

Local Social de Santa María

11 – 12 h Obradoiro infantil de queixo

Recinto feiral. 1º andar. 20 prazas. Inscrición no 981500222 ata o 28 de febreiro e, se quedan prazas libres, no stand do Concello de Arzúa durante a festa ata media hora antes.

 

11 – 13 h Animación de rúa Grupo de gaitas FOL DA CHOUSA

Recinto feiral, rúas e praza de Galiza

 

11 – 13 h EXPOSICIÓN CONCURSO DE CARTEIS 45ª EDICIÓN

Capela da Madanela

 

11.30 h 4º FESTIVAL ‘PEQUEQEIXO’Praza de Galiza (en caso de choiva capela da Madanela)

«Barquiño de Pau» con Tropa de Trapo

Espectáculo de teatro de obxectos e música para a primeira infancia. Exploramos os sentidos dunha maneira amena, coa participación das crianzas, con diferentes texturas coma os módulos de papel de estraza, tecidos ou paraugas convertidos en medusas.

E tamén con moita música, ao son do acordeón, da mandola portuguesa, do dizi chinés ou co propio corpo. E as texturas sonoras da buguina, da auga, do papel, da tea… Recitamos poemas e xogamos coas palabras a debuxar ideas. Brincamos coa imaxinación recreando animais con obxectos, o mar con teas ou

medusas con paraugas.

12 – 14 h Animación de rúa con FONDAOS DO PÍFARO

Recinto feiral, rúas e praza de Galiza

12.30 h SESIÓN VERMÚ FESTIVAL DO QUEIXO Campo da feira

MJ PÉREZ

É unha das novas voces do panorama actual da música galega. Defínese como “cantautora”, mais se algo está claro é que MJ non é unha cantautora ao uso. A súa música bebe da esencia da canción de autor, unha fusión de diversos estilos musicais co predominio do rock-pop ata o de agora, mais co seu novo disco emprende un cambio de rumbo no que os ritmos latinos e a música de raíz están máis presentes, xunto cunha voz cargada de personalidade.

17 – 18 h Obradoiro infantil de queixo

Recinto feiral. 1º andar. 20 prazas. Inscrición no 981500222 ata o 28 de febreiro e, se quedan prazas libres, no stand do Concello de Arzúa durante a festa ata media hora antes.

18 h FESTIVAL DO QUEIXO Campo da feira

LUAR NA LUBRE| 18 h

Unha das bandas de referencia da música folk. A súa música non entende de fusións e confusións, de modas e de vaivéns. É un exemplo de lealdade a unha maneira de facer, de descubrir enlaces entre a raíz e o contemporáneo, de constancia en tempos difíciles que sempre dá froitos. En 2018 publicaba novo disco, “Ribeira Sacra”co obxectivo de poñer en valor, a través da música, a riqueza histórica, etnográfica, natural e monumental deste territorio.

 

BAIUCA (Live Band A/V Show)| 19.50 h

Baiuca, é un proxecto que fusiona o folk galego e a música electrónica. Tras converter a súa mixtape iniciática “Faiado” nunha das preferidas da prensa musical e poñer música ao desfile do deseñador Manso Madrid na Mercedes Benz Fashion Week Madrid en 2018, ve a luz “Solpor”, un álbum que se convertería nun dos mellores para a prensa musical. O disco reeditouse en formato botella de viño con D.O. Ribeiro, vendendo todas as unidades en tan só catro días.

18.30 h. PECHE RECINTO FEIRAL