A programación da fin de semana comezará o venres 14 de febreiro de 2025 co 16.º concurso de Tapas e Petiscos, organizado polo Consello Regulador da Denominación de Orixe Protexida Arzúa-Ulloa. De 18 a 23.30 h, poderanse degustar nos establecementos de hostalaría de Arzúa as tapas creadas, que participan competindo en calidade, orixinalidade e presentación final. O premio entregarase no acto inaugural da festa, o sábado 15 de marzo, ás 12:00 h na carpa do campo da feira.

O xurado que percorrerá os dez establecementos finalistas está constituído polo cociñeiro André Arzúa (A Fábrica de Vilanova, Espazo Gastronómico Abella); Marité Romero, influencer e blogueira de gastronomía en “The Foodie Searcher”; Óscar Miranda, cociñeiro e colaborador de Radio Arzúa; Salomé Beiroa, membro do panel de cata dos queixos galegos, e Óscar Pérez Ramil, secretario-xerente do consello regulador.

DESCARGA A LISTAXE DE ESTABLECEMENTOS PARTICIPANTES